Governu Timor-Leste

Organizasaun Internasionál ba Migrasaun (OIM), iha sesaun ba-dala 99 ne’ebé mak realiza iha loron 30 fulan Novembru iha Jenebra, simu adesaun Timor-Leste hanesan membru ba organizasaun ida ne’e.

Iha inísiu tinan ida ne’e, hafoin liu tiha tinan sanulu servisu ho OIM,Timor-Leste hahú prosesu kandidatura nu’udar membru ba organizasaun  ida ne’e.Konstituisaun OIM nian simu liu husi Ministru Negósiu Estranjéiru,Zacarias da Costa ho kompromisu atu implementa obrigasaun sira ne’ebé mak hamosu partisipasaun  hosi Timor-Leste.

Hanesan Misaun Permanente hamutuk ho Nasoens Unidas iha Jenebra Embaixadór Joaquim da Fonseca, durante alokasaun adesaun Timor-Leste nian ba OIM, hato’o agradesimentu Timor-Leste nian ba organizasaun ida ne’e, tanba fó apoiu ba Governu no kontribusaun iha prosesu rekonstrusaun nasionál nian. Embaixadór Joaquim da Fonseca hakarak salienta katak adesaun Timor-Leste ba  OIM ,iha karákter spesiál ida  ne’ebé maka  akontese iha loron ida molok halo selebrasaun ba loron Proklamasaun ba Independénsia Repúblika Demokrátika Timor-Leste nian.

Embaixadór ne’e hatete” hanesan membru foun, Timor-Leste hakarak kontinua servisu ho OIM hodi reforsa nia sistema jestaun ba migrasaun,atu nune’e bele kontribui hodi hatán ba dezafiu migrasaun globál nian, sein iha nesesidade atu kompromete sira nia esforsu ba rekonstrusaun ita nia nasaun foun.

HanesanTimor-Leste, país haat sira seluk mós konfirma ona sira nia adesaun ba OIM, mak hanesan: Repúblika Bostwana, Repúblika Sentru-Afrikana,  Reino Lesoto no Reino ba Suazilândia.