Sekretária Estadu Konsellu Ministru treina funsionáriu neen tan atu hala’o servisu iha área komunikasaun no relasaun públika
Sekretária Estadu Konsellu Ministru (SEKM) hala’o serimónia graduasaun ba formandu sira nain 6 (neen) ne’ebé halo hotu ona sira nia formasaun iha área komunikasaun no relasaun públika, iha sentru Formasaun relasaun Públika Governu nian (CFRPG) iha Palásiu Governu (19/11).
Iha serimónia ne’e Prezidente Komisaun Funsaun Públika, Libório Pereira hateten katak nu’udar graduandu agora ne’e fiar katak aprende materiál no matenek hanesan, ho objetivu ida katak atu bele hato’o di’ak liu informasaun kona-ba funsionamentu relasaun Públika Governu nian ba públiku no sai hanesan liman rohan institusaun ida-idak nian liu-liu kona- ba informasaun.
Iha instituisaun balun tan ne’ebé ita presija hadi’a iha ita nia komunikasaun. Iha Governu ita iha portál Governu informasaun hirak ne’ebé reprezenta atividade institusaun nian, se ita halo ita nia rede ne’e forte no servisu di’ak, entaun informasaun ita fó sai ne’e loos, ema bele haree, fiar informasaun hirak ne’e no ema la bolu ba informasaun ne’ebé la los.
Hatutan tan katak loron ida ne’e importante hein katak maluk sira ne’ebé tuir kursu ne’e fila ba labele taka tiha livru, tenke iha konsiderasaun ba posibilidade atu nune’e ita nia informasaun ne’e bele atualiza tempu katak moris nafatin no Ita boot sira ne’e hanesan servidór estadu, funsionariu estadu ne’e atu informasaun ne’ebé ita fó sai ba, ne’e reprezenta duni atividade ka funsionamentu instituisaun ne’ebé hala’o.
Formasaun ba dala neen tinan 2010 hala’o durante fulan 10 (hahu Janeiru-Outubru) nian ne’ebé halo semana ida dala ida, no formandu sira konsege aprende no iha ona abilidade atu dezenvolve servisu iha área komunikasaun sosiál no relasaun públika.
Formandu sira nebe simu sertifikadu mak sira ne’ebé servisu ba sekretariadu tékniku administrasaun eleitorál/STAE (nain 2), Diresaun Nasionál Alfándega (nain 2), no seluk nu’udar membru Falintil Forsa Defesa Timor-Leste/F-FDTL.
