Governu Timor-Leste

Prezidente Komisaun Funsaun  Publika (KFP), Libório Pereira, anunsiu Politika ba Konversaun husi ajente Administrasaun Publika sira (Funsionariu Temporariu Sira) ba Funsionáriu Publiku Permanente iha Salaun Konferensia Imprensa (KFP), Díli, Kinta (28/10).

Libório Pereira informa katak Governu aprova politika Komisaun Funsaun Publika konaba politika atu regula no tranzita situasaun fungsionárius temporarius sira ba permanente tuir nesesidade administrasaun publika nian. Molok mosu implementasaun ne’ebé lalos KFP hakarak hato pontus balun ne’ebé prinsipal tébes atu ita hotu bele kompriende hodi la hetan difikuldades  iha implementasaun. Objetivu husi politika konversaun temporáriu ba permanente ne’e mak atu garante nesesidade instituisaun nian, garante mós direitu funsionáriu Publiku nian no mos atu garante dezenvolvimentu sustentavel funsaun publika nian, redus numeru temporáriu, hatur kritériu liu-liu ba temporáriu sira ne’ebé halao servisu ho karakter permanente no esensial,

Objetivu seluk mak atu organiza no implementa prosesu konvensaun ne’e rasik no funsaun publika atu kria kritérius atu nune bele hadia didiak kontratu temporariu sira nian, nudar atu hatene katak politika ida ne’e atu aplika deit ba temporariu sira ne’ebé ba halo servisu nesesidade permanente iha Ministériu no ajensia sira ida-idak. Funsionáriu temporáriu hamutuk rihun sanulu resin tolu (13) rihun ne’en profesores rihun hitu mak funsionariu ne’ebé namkari iha Ministeriu, Sekretáriu Estadu no mos orgaun outonomo seluk ne’ebé presija regula.

Prezidente mós hatutan katak, kritériu ne’ebé mak atu regula funsionáriu hanesan iha artigu sanulu resin haat (14) Estatutu Funsaun Publika mak tenke Timor Oan, la komete krime, nunka hetan demisaun husi Funsaun Publika, isin diak, iha matenek no badaen tuir nesesidade servisu ida-idak ninian no kritériu seluk mak avaliasaun dezempeñu ne’ebé sei halao iha Janeiru to Marsu 2011 minimu BOM. Sira ne’ebé mak atu hetan tranzisaun husi tempórariu ba permanente mak funsionáriu ne’ebé asina kontratu tempor’ariu ba halo servisu nudar permanente tuir nesesidade  Ministériu ka Sekretáriu Estadu nian, la kotu-kotu badak liu mak fulan neen (6, preoridade implementasaun ne’e sei hahu husi Janeiru to Juñu 2011.