Diálogu Entre Governu no Grupu PAX hodi rezolve Dezafiu iha Jestaun Rezíduu iha Dili
Ses. 31 janeiru 2025, 15:49h
Ministru Prezidénsia Konsellu Ministrus, Agio Pereira, iha loron 31 fulan-janeiru tinan 2025, hala’o sorumutu ho Fundadór Grupu PAX, Embaixadór João Paulo da Costa Rangel, hodi analiza kona-ba situasaun atuál relasiona ho implementasaun kontratu públiku sira iha ámbitu projetu jestaun rezíduu sólidu urbanu iha Dili. 
Iha sorumutu ne’e, parte rua reafirma sira-nia kompromisu no boa-fé (hanoin-di’ak) hodi identifika solusaun sira ne’ebé sei ajuda hodi rezolve dezafiu sira ne’ebé iha. 
