Governu Timor-Leste

Estudante timor oan na’in sanulu resin lima mak hetan tan bolsa, hosi Ministériu Edukasaun, atu ba estuda iha Filipina. Nune’e númeru estudante timor oan aumenta tan ba ema na’in 124 ne’ebé hetan subsídiu hosi Governu Timor-Leste, hodi ba estuda iha país Sudeste Aziátiku ne’ebá.

Hosi bolseiru na’in sanulu resin lima ne’e, ne’ebé mak aranka tiha ona iha loron 16 fulan Outubru, na’in sanulu husi Falintil-Forsa Defeza Timor-Leste (F-FDTL) no na’in lima husi Polísia Nasionál Timor-Leste (PNTL). Elementu na’in sanulu, tama tan na’in rua husi PNTL, sei hasai kursu Pilotu nian. Estudante na’in tolu hirak seluk husi PNTL sei tuir kursu Direitu, ho espesialidade iha área krime nian.

Molok sira atu hahú sira nia estudu universitáriu, bolseiru sira ne’e, iha fulan hitu nia laran, sei tuir kursu intensivu ida iha lian inglés.

Iha serimónia despedida, Ministru Edukasaun fó hatene katak, alojamentu ba estudante  sira ne’e, sei tama iha konta ninia Ministériu nian. João Câncio Freitas apela ba bolseiru sira, atu fó an ba estudu, atu nune'e, bainhira sira fila hikas mai, sira bele serbí diak liu tan sira nia País ne'e.

Tito Domingos Guterres, bolseiru F-FDTL nian, promote atu aproveita didiak oportunidade ida ne’e, hodi nune’e bele garante katak, bainhira nia fila, nia sei ba permanente iha ninia Instituisaun atu serbí ba Povu no Nasaun Timor-Leste.