Governu Timor-Leste

Timor-Leste iha onra bo’ot atu prezide Simeira Xefi Estadu G7+. Eventu ne’e (entre akontesimentu besik sianulu, ne’ebé hala’o durante Simeira Organizasaun Nasoens Unidas  nian iha – ONU – hodi halo revizaun ba Objetivu Dezenvolvimentu Miléniu) hala’o iha loron 20 fulan Setembru, iha Sala Konferénsia D ONU nian, iha Nova Iorke), iha ninia sentidu hanesan.

Simeira Gg7+ simu delegasaun altu nível nasaun 8 (ualu), ho prezensa Xefi Estadu na’in rua, Ministru na’in lima no Embaixadór sira. Reprezentante hosi Timor-Leste mak  Prezidenti Repúblika, José Ramos Horta, Vise-Primeiru-Ministru ba Asuntu Sosiál, José Luís Guterres, no Ministra Finansas, Emília Pires, no mós Prezidenti G7+. Partisipa mós iha enkontru G7+, hanesan observadór, Parseiru Dezenvolvimentu Prinsipál sira hanesan: Portugal, Austrália, França, Departamentu ba Dezenvolvimentu Internasionál Reñu Unidu (DFID UK), Organizasaun ba Kooperasaun no Dezenvolvimentu Ekonómiku (OCDE) no Programa Nasoens Unidas ba Dezenvolvimentu (PNUD).

Asuntu ne’ebé koalia liu iha Simeira G7+ mak hanesan:

- Fó sai Objetivu Dezenvolvimentu Miléniu ba Suku sira Timor-Leste nian iha Asembleia Jerál  Nasoens Unidas, kona-ba Objetivu Dezenvolvimentu Miléniu;

- Deklarasaun Konsensu G7+ ne’ebé aprova hosi unanimidade;

- Kompromisu ba osan dólar amerikanu US$ 500.000, (rihun atus lima) hosi Prezidenti Repúblika, Ramos Horta;

- Reforsu Sekretariadu G7+ nian, ho ninia sede iha Ministériu Finansas, atu serve Estadu 17 (sanulu resin hitu) membru sira iha lideransa to’o Fórum Altu Nível ba dahaat iha Busan, iha Koreia Sul, iha fulan  Dezembru tinan 2011.

Estadu membru sira konkorda iha implementasaun ba área iha grupu traballu haat: (1) Dezenvolvimentu Kapasidade, (2) Ekipamentu ba Apoiu, (3) Prosesu Planeamentu no (4) Diálogu ho estilu polítiku iha fulan hirak tuir mai.

Bele hare Deklarasaun Konsensu g7+, versaun ingles,  iha ne’e.