Governu Timor-Leste

Ministériu Edukasaun fo hatene ona katak fulan Outubru ne’e hanesan fulan ida dedika ba Edukasaun no Kultura iha Timor-Leste. Objektivu mak atu haluan no hametin implementasaun politika foun ba sektor ne’ebé mak ho lema “harí ita nia paíz no ita nia Nasaun ho Edukasaun ida kualidade”.

Durante fulan ida ne’e tomak, iha eskola sira país nia laran tomak, sei halao aktividade ekstrakurikular sira – hanesan sertames, konkursu sira, promosaun eskrita no oralidade, múzika no desportu – ne’ebé mak atu fo motivasaun ba populasaun sira iha halo leitura no aprende buat ruma.

Sei entrega pianu dijital atus rua, ne’ebé Koreia Sul mak fo, be eskola sira.

Outubru ne’e hili tiha ona para sai nu’udar fulan ida atu hala’o inisiativa hirak ne’e tandeit iha fulan ne’e duni mak Parlamentu Nasional, iha 2008, aprova tiha Lei Baze Edukasaun nian, Prezidente Repúblika promulga tiha lei ne’e, hodi publika iha Jornal da República, iha nafatin fulan Outubru. Iha fulan ida ne’e mos mak eskritór Timor-oan, Francisco Borja da Costa, moris.

Liu hosi aprovasaun Lei de Bases Edukasaun nian n.º 14/2008 mak hala’o tiha reforma boot ida iha sector, ne’ebé mak hakarak hadia kualidade ensinu no aprendizajem nin no atu bele garante asesu ba edukasaun hosi ema timor oan tomak.