Timor-Leste Partisipa iha Diskusaun kona-ba Enerjia no Sustentabilidade iha ámbitu ASEAN no Ázia Leste
Timor-Leste partisipa iha Reuniaun husi Ministru Enerjia sira husi ASEAN (AMEM) ba dala-42 no Reuniaun Ministru Enerjia sira ba Simeira Ázia Osidentál (EAS EMM), ne’ ebé realiza husi loron 26 to’ o 27 fulan Setembru iha Vientiane, Laos. Sua Eselénsia Ministru Petróleu no Rekursus Minerais, Francisco da Costa Monteiro no Señor Prezidente Autoridade Nasionál Petróleu – ANP, Gualdino do Carmo da Silva mak reprezenta Timor-Leste.
Diskussaun iha reuniaun AMEM ba dala 42, foka ba kooperasaun enerjétika rejionál iha Planu Asaun husi ASEAN ba kooperasaun enerjétika (APAEC) no mos ba estratejia hodi hadi’a seguransa no sustentabilidade enerjétika iha estadu-membru sira. Ministru sira mos deskuti progressu husi inisiativa husi ASEAN, hanesan Rede Elétrika husi ASEAN (APG) no akordu Gazodutu Trans-ASEAN (TAPG). 
Iha loron daruak ba EAS EMM ba dala 18, proporsiona Plataforma ba koolaborasaun kle’an iha nível rejionál, hodi envolve nasaun sira iha ASEAN no parseiru sira iha Ázia Osientál. Reuniaun assosiada sira deskuti tema krusiál, inklui tranzisaun enerjétika, dekarbonizasaun no mos dezenvolvimentu teknolojia limpa.
Durante intervasaun, Sua Eselénsia Ministru Monteiro subliña kompormissu Timor-Leste nian hodi maksimiza ninia rekursus enerjétiku renovável no naun renovavél hanesan parte ida husi estratejia dezenvolvimentu kompreensivu nasaun nian. Destaka mos importánsia atu garante seguransa enerjétika, liu-husi explorasaun kontinua ba rekursu hidrokarbonetu, ba dezenvolvimentu instalasaun Gás Naturál Liquifeitu – GNL iha Timor-Leste no mos investimentu be enerjia renovável, hanesan solar, eólika, hidroelétrika no seluk tan. Sua Eselénsia Ministru Monteiro mos destaka esforsu Timor-Leste ba deskarbonizasaun no dezenvolvimentu enerjétiku, liu-husi inisiativa hanesan projektu Kaptura no Armajenamentu Kabonu husi rezervatóriu Bayu-Undan. 
Timor-Leste reafirma kompromissu atu promove kooperasaun rejionál no kontribui ba kresimentu ekonómiku, ba seguransa no konetividade enerjétika.
AMEM ba dala-42 no EAS EMM ba dala-18 subliña importánsia husi tranzisaun enerjétika trans-fronterisa, ba rezilénsia rejionál no ba dezenvolvimentu sustentável, liu-husi esforsu koolaborativa entre nasaun sira ASEAN no ba Azia Leste.
