BNCTL lansa kartaun ne’ebé permite tranzasaun lais no seguru iha país no rejiaun 183

Seg. 23 setembru 2024, 15:32h
460170758_394222780387346_7286190663679797865_n

Banku Nasionál Komérsiu Timor-Leste (BNCTL- sigla iha lian portugés), banku boot-liu iha país ne’e, ofisialmente lansa Kartaun UnionPay International (UPI), solusaun ida ne’ebé fasilita tranzasaun lais no seguru liu iha  rejiaun no país 183 iha mundu tomak. Serimónia lansamentu ne’e hala’o iha El Legendário, Otél Novo Turismo, Dili, no sura ho partisipasaun hosi membru Governu sira no personalidade oioin hosi setór bankáriu no emprezariál.

460172230_394223417053949_143228286075181390_n

Kartaun ne’e aprezenta ofisialmente husi Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, akompaña husi Prezidente Konsellu Administrasaun BNCTL, Lúcia da Cruz Flor, no Prezidente Komisaun Ezekutiva husi BNCTL, António Vítor. Serimónia ne’e hetan partisipasaun husi Diretór-Jerál UnionPay International South Pacific, Jiangtao Jiao, Vise-Governadora Banku Sentrál Timor-Leste nian, Sara Lobo Brites, no konvidadu sira-seluk.
460459540_394224190387205_2633038746858840121_n

Iha intervensaun, Prezidente Konsellu Administrasaun BNCTL afirma lansamentu ida ne’e pasu importante hodi mellora servisu ba kliente sira no promove dijitalizasaun iha setór finanseiru. Kartaun UnionPay BNCTL permite fasilita halo pagamentu iha kualker parte iha mundu ho forma seguru liu, fasil liu, baratu liu, lais liu, no la presiza lori osan cash barak.

António Vítor, Prezidente Komisaun Ezekutiva BNCTL nian, destaka importánsia hosi etapa foun ida-ne’e ba banku ne’e, hodi afirma katak “lansamentu BNCTL nian hanesan Banku Emisór UPI nian” nu’udar “marka importante ida ba instituisaun ne’e”. “Hanesan pasu ida ne’ebé reforsa misaun atu kontinua sai banku komersiál prinsipál iha Timor-Leste, hodi serbí timoroan tomak. Agora ho servisu ida ne’ebé bele uza iha rejiaun no país 183.”

Kartaun BNCTL UPI hanesan kartaun débitu ida ne’ebé permite ninia kliente sira atu halo tranzasaun finanseira ho seguru no konveniente iha fatin ne’ebé de’it iha mundu, tantu ba pagamentu online no prezensiál. Servisu ida-ne'e atu hatán ba ezijénsia ne'ebé maka aumenta ba solusaun bankáriu internasionál sira no oferese fleksibilidade boot-liu iha operasaun loroloron nian, hodi halakon nesesidade atu lori osan ho montante boot.
460276167_394223867053904_7336773762007483189_n

Subskrisaun ba Kartaun UnionPay ne’e simples no asesivel, integra iha rede internasionál ne’ebé BNCTL prepara durante fulan hirak ikus ne’e. Inovasaun ida-ne’e reprezenta pasu ida tan iha BNCTL nia kompromisu atu fornese servisu finanseiru ho kualidade ne’ebé aas no avansadu teknolojikamente ba nia kliente sira.
460496984_394222983720659_8142470636921288397_n

Ho inisiativa ida-ne’e, BNCTL la’ós de’it hametin nia operasaun sira, maibé mós adapta ba ezijénsia merkadu globál ne’ebé evolui beibeik, hodi promove seguransa no efisiénsia iha setór bankáriu Timor-Leste nian. Kartaun UnionPay sei disponivel ba pagamentu sira iha plataforma dijitál oioin, kompras online no operasaun sira iha estranjeiru, hodi kompromisu BNCTL nian ba inovasaun no exelénsia iha ninia servisu sira.

 460620676_394224283720529_2182405807391713002_n

   Ba leten