Timor-Leste Depozita instrumentu adezaun ba Konvensaun 1907 kona-ba Rezolusaun Pasifika Litíjius Internasionais
Iha loron 22 fulan-jullu tinan 2024, Elizabeth Exposto, Xefe Gabinete Primeiru-Ministru no Diretora Ezekutiva Gabinete Fronteiras Terrestres no Marítimas, lori Governu Timor-Leste nia naran, depozita ho Ministériu Negósius Estrangeirus Reinu Paizes Baixus nian, instrumentu adezaun Timor-Leste nian ba Konvensaun 1907 kona-ba Rezolusaun Pasifika Litíjius Internasionais.
Timor-Leste formalmente sei sai hanesan Parte Kontratante da-124 husi Konvensaun iha loron 20 fulan-setembru tinan 2024, haktuir artigu 95 Konvensaun nian. 
Adezaun ne'e hatudu dedikasaun Timor-Leste nian iha pas no estabilidade, no mós iha defeza direitu internasional. Apoia mós papel Tribunal Permanente ba Arbitrajen iha asistênsia ba Estadu sira atu rezolve sira-nia disputas ho dame.
Tribunal Permanente ba Arbitragem fo asisténsia hanesan Sekretariadu ba ita-nia disputas, inklui iha prosekusaun (katak estabelese) delimitasaun fronteiras marítimas ho Austrália liuhosi Konsiliasaun Obrigatória bazeia iha Aneksu V Konvensaun Nasoens Unidas nian kona-ba Direitu ba Tasi.
Durante Konferénsia Aniversáriu ba dala 125 kriasaun Tribunal Permanente ba Arbitrajen iha Singapura, iha loron 25 fulan-jullu tinan 2024, halo serimónia oan ida hodi komemora adezaun Timor-Leste nian.
