Timor-Leste, Austrália no Konsórsiu Greater Sunrise Avansa iha Negosiasoins
Governu Timor-Leste no Commonwealt Austrália no konsórsiu Greater Sunrise (TIMOR GAP,E.P. ho asaun 56,56 porsentu, Woodsider ho assaun 33,44% no Osaka Gás ho 10 %, atualiza avansu ba negosiasaun kona-ba Explorasaun Kódigu Mineiru ba Petróleu, Kontratu Fahe Produsaun no Rejime Fiskal. 
Liu-husi enkontru ne’ebé halo iha Díli, Autoridade Nasionál Petróleu – ANP akompaña husi Ministériu Finansa no Ministériu Negósiu Estranjeiru no husi parte Austrália, reprezenta husi Departamento ba Indústria, Siénsia no Rekursu, Departamentu Tezoru no Departamentu Negósiu Estranjeiru no Komérsiu.
Ronda negosiasaun ne’e, hanesan kontinuasuan husi reuniaun anterior, hodi hetan konkordánsia ba dokumentu xavi, ne’ebé sei estabelese enkuadramentu legal no regulamentu sira, hodi apoia dezenvolvimentu gás no kondensadu iha kampu Greater Sunrise.
Prosesu negosiasuan rejista avansu signifikativu dezde fulan Outubru tinan 2023, iha kumprimentu rekezitu sira iha Anexu B husi Tratadu Fronteira Marítima tinan 2018 no parte hotu kompromete atu konklui ho lalais, enkuadramentu legál ne’ebé sai baze ba dezenvolvimentu kampu Greater Sunrise.
Governu Timor-Leste, Commonwealt Austrália no kompaña konsórsiu mos kompromete atu dezenvolve projektu Greater Sunrise ne’ebé benefisia mutuamente ba parte hotu, komersialmente viável ho lalais, tuir obrigasaun ne’ebé konsta iha Tratadu Fronteira Marítima. Prosesu negosiasaun la’o beibeik ho ritmu ne’ebé a’as, ne’ebé reprezenta kompromissu koletivu hodi konkretiza planu ba dezenvolvimentu Greater Sunrise no apoiu Timor-Leste nia dezenvolvimentu. 
Durante negosiasaun, atualiza mos progressu husi selesaun konseitu ne’ebé responsabiliza husi Wood PLC, hanesan representante konsórsiu Greater Sunrise no parte hotu hein rezultadu husi estudu ne’ebé prevê finaliza iha trimestre dahat tinan ne’e.
