Governu Timor-Leste

Ministériu Edukasaun asina ona akordu ida ho empreza xineza Shandong International Economic & Technical Cooperation Group, LTD atu halo konstrusaun ba Eskola foun ida iha Taibesi, iha loron 6 fulan Setembru.

Ministru Edukasaun, João Câncio Freitas, agradese ba Governu Xina ne’ebé disponibiliza verba ba konstrusaun edifísiu foun ne’e, dólar amerikanu besik millaun ida. Eskola ne’e sei remata iha fulan walu nia laran, no sei servee ba alunu sira Pré-Primária no Sekundária Bekora, ne’ebé hetan destruisaun hosi inundasaun.