Ministru Prezidénsia Konsellu Ministrus hala'o Sorumutuk ho Reprezentantes Institutu Tony Blair
![WhatsApp Image 2024-06-21 at 15.51.17](https://timor-leste.gov.tl/wp-content/uploads/2024/06/WhatsApp-Image-2024-06-21-at-15.51.17-300x225.jpeg)
Ministru Prezidénsia Konsellu Ministrus, Agio Pereira, hala’o sorumutu ohin, loron 21 fulan-juñu tinan 2024, ho reprezentantes husi Institutu Tony Blair ba Mudansa Globál (Tony Blair Institute for Global Change - TBI) hodi diskute kona-ba potensiál kolaborasaun entre Governu Timor-Leste no TBI. Sorumutu ne’e konta ho partisipasaun husi Read Leask, Diretór ba Ázia-Pasífiku, no Wanessa Marques, Diretora ba Timor-Leste, sira rua hosi Institutu Tony Blair.
Sorumutu introdutória ida-ne’e ho objetivu atu fó inísiu ba diskusaun ida kona-ba área kooperasaun sira ne’ebé posivel entre Governu Konstitusionál X no Institutu Tony Blair, ne’ebé la’o hamutuk ho prioridade sira ne’ebé hatuur ona iha Programa Governu nian.
Institutu Tony Blair hanesan organizasaun globál ida sein fin lukrativu, ne’ebé harii husi eis-Primeiru Ministru Reinu Unidu, Tony Blair, ne’ebé apoia lider polítiku no governu sira iha konkretizasaun ba ninia inisiativas ne’ebé fó benefísiu ba populasaun.