Governu Timor-Leste

Grupu estudante universitáriu sira hala’o asaun oin-oin, iha Díli, kona-ba protestu kontra Estatutu Universidade Nasionál Timor Lorosa’e nian ne’ebe hetan aprovasaun husi Konsellu Ministru iha loron 10, fulan Marsu liubá.

Ministru Edukasaun, João Câncio de Freitas, koalia dehan katak nia an nakloke atu hala’o debate ba kestaun hirak kontesta husi estudante universitariu sira: “ Ha’u ba iha Universidade semana ida antes molok mosu manifestasaun hirak ne’e. Iha kedas altura ida nebá mak klibur ida mai hodi halo manifestasaun no ha’u sai pronto atu simu sira iha semana oin mai, iha Quarta-feira ida, basá iha Segunda-feira no Terça-feira hau tenki iha Parlamento, iha Komisaun F. Infelizmente sira la mosu, no iha tempu nebá Presidente Repúblika bolu ha’u. Dala ida tan ha’u hatudu ha’u nia laran nakloke atu debate problema ne’e”

João Câncio Freitas dehan katak nia la komprende tansá mak estudante sira halao manifestasaun hafoin sira la mosu iha sorumutuk ne’e, ne’ebé karik iha momentu ne’e buat hotu bele sai klaru. “Hau fiar katak  ba ema universitário diskusaun, debate ne’e hanesan buat normal ida. Maibé buat ida mak halo ha’u la kompreende mak sira la kohi debate konabá problema ne’e no teki-tekisira sai ho ma nifestasaun. Ha’u hakfodak ho buat hirak ne’e hotu” Ministro ne’e konfesa.

Maski nune’e, responsavel ba edukasaun ne’e konsidera katak importante mak atu debatekestaun ne’e no nia fo hanoin katak situasaun hirak hanesan ne’e mós mosu iha pa’iz hirak seluk:”Ha’u akompaña buat ne’ebé mak oras ne’e akontese iha Portugal no iha ne’ebá sira hala’o debate ida hanesan ne’e, hanesan mos iha paíz hirak seluk, hanesan Costa Rica, ne’e hanesa ezemplu ida. Oras ne’e hanesan ema barak toman ona ho debate konabá hanoin rua-rua: paradigm ida uluk hasoru buat ne’ebé mak oras ne’e mosu ho Teoria Aksionista sira nian. Hanoin rua ne’e bainhira hasoru-malun sira sempre hamosu konflitu, hamosu kontradisaun no ha’u hare katak buat ida ne’e mak oras ne’e mosu hela iha Timor-Leste.”