Ministériu Edukasaun hahú hala’o kursu formasaun ba profesór timór-oan 1500
Vise-Ministru Edukasaun, Paulo Assis Belo, nu’udar Ministru Edukasaun Interinu, loke Kursu Intensivu Formasaun ba Professór timór-oan sira, iha Oe-Cusse, Ambeno, iha loron 2 fulan Agostu. Formasaun ne’e hala’o hosi loron 2 to’o loron 21 fulan Agostu, hodi simu profesór 1500 hosi distrito hotu-hotu no kurso ne’e sei fó hosi formadór timór-oan 310 no formadór portugés 40.
Ministru Edukasaun interinu hato’o kona-bá importánsia hala’o kursu ida ne’e ba profesór sira, ne’e iha ninia objetivu rua: “la’os de’it atu ita hasa’e nivel koñesimentu ba ita nia profesór sira iha lian atu hanorin nian – ne’ebé tuir Konstituisaun no ita nia Lei Baze kona-bá Edukasaun mak lian Portugés no Tetum – mós formasaun ida ne’e sei fó atensaun ba konteúdu kuríkulu ninian kona-bá mateira hirak ensinu no aprendizajem nian”.
Paulo Assis Belo koalia mós katak apoiu hosi Portugál no Brazil, ne’ebé mak fó sira nia formadór sira sei halo Ministeriu Edukasaun hasai osan hamutuk dolar amerika rihun atus lima.
