Governu Timor-Leste

Timor-Leste partisipa, iha Maputu, kapitál Mosambike nian, iha sorumutu Konferénsia Ministru sira Responsável ba Juventude no Desportu Komunidade País sira ho Dalen Portugés nian (CPLP).

Sorumutu sira ne’e hala’o tiha ona iha Rio de Janeiro, Brazil, 2008, tinan ne’ebé Responsável sira ba Juventude no Desportu CPLP nian hala’o ba dahuluk ne’e “iha era foun konferénsia hirak kona-ba kestaun ne’e” Diretór-Jerál Sekretaria Estadu Juventude no Desportu ne’e hateten.

Iha Deklarasaun Finál hosi konferénsia ba dahuluk ne’e, ita bele lee katak “Ministru sira Responsável ba Juventude no Desportu” hosi país walu nian iha CPLP nia laran “hato’o sira nia laran satisfeitu tanba Repúblika Demokrátika Timor-lLeste tama tán ba iha Akordu Koperasaun iha área Juventude no Desportu, ne’ebé asina iha sidade Mindelu, iha Kabu Verde”, iha tinan 2007.

País walu CPLP nian liu hosi biban ida ne’e, hato’o mós sira nia “hakarak atu lori ba oin programa multilaterál koperasaun nian liu hosi aprovasaun projetu foun hirak ne’ebé mak atu habelar, hadi’a no halo sai efikás prosesu koperasaun nian”.