MNE iha Vietname hodi hala’o Sorumutu ASEAN nian, hamutuk ho MNE Myanmar nian
Ministru Negósius Estranjeirus, Zacarias da Costa, iha loron 20 fulan Jullu partisipa iha serimónia abertura ba Sorumutu Ministeriál ASEAN badala 43, iha Hanói,Vietname, nu’udar Konvidadu Espesiál hanesan Onra husi Komité Permanente ASEAN nian, ANSA, Asosiasaun Nasaun Sudeste Aziátiku sira).
Iha sorin seluk, Ministru Zacarias da Costa hasoru malu mós ho nia omológu hosi Myanmar, U Nyan Win, ne’ebé mak hato’o nia sentimentu k’solok nian tanba Timor-Leste atu sai nu’udar membru ba ASEAN. Ministru Negósius Estranjeírus Myanmar afirma katak ninia país sei la kontra adezaun Timor-Leste nian.
Ministru Zacarias da Costa hateten katak” Ministru U Nyan Win simu nia konvite hodi vizita mai Timor-Leste, iha fulan Agustu. “ Ami konkorda atu servisu hamutuk iha asaun diplomátika ho karáter bilaterál, rejionál no internasionál”. Durante sorumutu ne’e, iha mós akordu kona-ba loke embaixada iha País rua ne’e.
