SEFOPE fó apoiu Fundo $ 223,726.00 ba 19 Sentru Formasaun
Sekretáriu Estadu Formasaun Profesionál no Empregu (SEFOPE), Bendito Freitas hateten katak SEFOPE fó apoiu Fundu hamutuk osan dolár atus rua rua nulu resin tolu no atus hitu rua nulu resin neen, ba Sentru Formasaun hamutuk 19 iha distritu 13, atu bele implementa polítika Governu nian hodi kapasita juventude sira.
Apoiu ne’e mós atu bele redus urbanizasaun juventude sira iha área rurál ka distritu sira ne’ebé mak mai buka formasaun iha kapitál Díli. ajudu ne’e rasik entrega ba reprezentante sentru formasaun sira iha Edifisiu SEFOPE, Balide Díli, semana rua, fulan Jullu tinan 2010.
Nuneé mós, Bendito Freitas, hatutan tan katak, sentru formasaun sira ne’ebé simu Fundu ne’e bazeia ba rezultadu fiskalizasaun no avaliasaun ba proposta hosi ekipa tékniku SEFOPE nian, ba proposta ne’ebé mak haruka mai iha instituisaun SEFOPE hodi husu apoiu. Nune’e mós iha proposta balun mak la liu selesaun tanba la iha kondisaun ka la tuir kritéira ne’ebé iha.
Proposta husu apoiu ne’e, proponente hatama mai iha Diresaun Nasionál Profissionál iha Sekretária Estadu Formasaun Profisionál no Empregu nian.
