Governu Partisipa iha Audiénsia Públika ho Parlamentu Nasionál ba Diskusaun Prezidente kona-bá Alterasaun Lejislativa ba RAEOA no Divizaun Administrativa iha Teritóriu
Governu, ne’ebé reprezenta husi Ministru Prezidénsia Konsellu Ministrus, Agio Pereira, Ministru Administrasaun Estatál, Tomás do Rosário Cabral, Vise-Ministru Asuntus Parlamentares, Adérito Hugo da Costa, no Vise-Ministra Finansas, Felícia Carvalho, akompaña husi Prezidente Rejiaun Administrativa Espesiál Oekusi Ambenu (RAEOA), Arsénio Paixão Bano, partisipa iha loron 9 no 10 fulan-outubru tinan 2023 iha Audiénsia Públika ho Komisaun Asuntus Konstitusionais no Justisa (Komisaun A) Parlamentu Nasionál, hodi halo diskusaun preliminár ida ba proposta Lei rua ne’ebé
Proposta Lei dahuluk, ne’ebé aprova iha Sorumutuk Estraordinária Konsellu Ministrus nian iha loron 25 fulan-setembru tinan 2023, ho objetivu atu halo alterasaun datoluk ba Lei n. 3/2014, ne’ebé kria Rejiaun Administrativa Espesiál Oe-Kusi Ambenu (RAEOA) no kria ona Zona Espesiál Ekonomia Sosiál Merkadu Oe-Kusi Ambenu no Ataúro. Ninia objetivu mak atu dudu ba oin dezenvolvimentu nasionál, kria kuadru legál foun ida ba Zona Espesiál Ekonomia Sosiál no Merkadu, ne’ebé permite habelar ninia aplikasaun ba área oin-oin iha territóriu nasionál, aleinde Oe-Kusi Ambenu no Ataúro.
Ho Proposta Lei daruak, ne’ebé aprova iha Sorumutuk Konsellu Ministrus nian iha loron 19 fulan-setembru tinan 2023, Governu, tuir saida maka prevee iha ninia Programa, propoin atu halakon munisípiu Ataúro no kria divizaun administrativa eskalaun dahuluk nian ida ne’ebé foun, hanaran “Ataúro”, tuir saida mak define ona iha artigu da-5 hosi Konstituisaun Repúblika, ne’ebé fó tratamentu administrativu no ekonómiku espesiál ba Ataúro.
