Governu Timor-Leste

Atu hametin relasaun entre rai viziñu rua ne’e, delegasaun husi Ministru Turizmu Komersiu no Indústria (MTKI), xefiadu husi Diretór Komérsiu Doméstiku MTKI, Sr. Fernando Hi da Silva, halo vizita kortezia bá Governadór Nusa Tenggara Timur (NTT), RI, Sr. Frans Lebu Raya, iha Kupaun, fulan kotuk.

Iha hasoru malu ne’e Frans Lebu hatete katak, importánsia Timor-Leste bá aktividade ekonómika Provínsia NTT, bo’ot tebes: tanba índex exportasaun husi NTT bá Timor-Leste boot liu importasaun ba rai seluk hó total porsentu 82%. Nune’e mós importasaun husi Timor-Leste tun liu iha tinan rua ikus mai ne´e hó valór millaun $ 2.9 to´o dei’t rihun $ 124 . Hein katak hó kooperasaun ida ne´e bele aumenta liu tan aktividade exportasaun bá parte ida–idak nian no nu’udar sombriña ida ne´ebé serve atu dezenvolve relasaun entre NTT ho Timor-Leste.

Hafoin honra, Xefe Delegasaun aprezenta finalidade vizita nian mai Kupaun, katak atu kontinua hala’o Memorandu entendimentu kona-ba kooperasaun téknika entre MTKI Timor-Leste hó Ministériu Komérsiu Repúblika Indonézia, ne´ebé asina tiha ona iha Jakarta iha loron 29 fulan Abril, tinan 2008, ho Memorandu Entendimentu. Nune’e hein katak, autoridade kompeténte sira husi Provínsia NTT atu fahe mós experiénsia hó Timor–Leste kona-ba aktividade komérsiu nian.