Malázia hakarak apoia Governu iha prosesu dexentralizasaun
Seg. 07 agostu 2023, 15:07h
Primeiru Ministru, Kay Rala Xanana Gusmão simu vizita husi Embaixadór Malázia iha Timor-Leste, Amarjit Sarjit Singh, iha loron 7 fulan-agostu tinan 2023, iha Palásiu Governu. 
Durante sorumutuk ne’e, Xefe Governu no diplomata ne’e reafirma sira-nia kompromisu hodi hametin relasaun bilaterál no diskute área kooperasaun entre nasaun rua ne’e, liuliu iha prosesu dexentralizasaun administrativa no kapasitasaun rekursus umanus.
Embaixadór Amarjit ko’alia-liu kona-ba kooperasaun bilaterál ne’ebé eziste husikedas tinan 2000 no reafirma kompromisu Malázia nian atu habelar no hametin kooperasaun ho Timor-Leste, tuir prioridades Governu Konstitusionál IX nian.
