China's Deputy Foreign Affairs Minister visits Timor-Leste to strengthen bilateral relations
Primeiru-Ministru, Kay Rala Xanana Gusmão, ohin iha Palásiu Governu simu Ministru Adjuntu Negósius Estranjeirus Repúblika Populár Xina, Nong Rong, ne’ebé hala’o vizita ofisiál mai Timor-Leste, iha loron 19 fulan-jullu tinan 2023.
Iha sorumutuk ne’e, Nong Rong salienta kompromisu Xina nian atu serbisu hamutuk ho Timor-Leste hodi haforsa interkámbius altu nivel, hametin kooperasaun bilaterál iha áreas oioin, liuliu infraestruturas, agrikultura, peska, petróleo no gás, no seluk tan.
Governante ne’e hato’o mós disponibilidade Xina nian hodi apoia Timor-Leste ba fortalesimentu rekursus umanus no iha aspetu seluk ba prosesu adezaun nasionál ba ASEAN.
Durante ninia vizita iha Timor-Leste, Nong Rong hala’o mós sorumutuk ho Prezidente Repúblika, José Ramos-Horta no Ministru Negósius Estranjeirus no Kooperasaun, Bendito Freitas. Aleinde ne’e, prezide hamutuk konsulta diplomátika dahuluk Xina-Timor-Leste ho Vise-Ministra ba Asuntus ASEAN, Milena Maria da Costa Rangel.
