Konselhu Ministrus aprova ona Estrutura Orgánika Governu Konstitusionál IX nian
Konsellu Ministrus aprova ona, iha sorumutuk husi loron 24 fulan-julhu tinan 2023, ne'ebé hetan partisipasaun husi membru Governu sira hotu, projetu Dekretu-Lei ba Estrutura Orgánika Governu Konstitusionál IX nian.
Estrutura orgánika Governu Konstitusionál IX nian ne’e, define atribuisoins ne’ebé hala’o husi Ministériu ida-idak no atribui kompeténsia ba membrus Governu, tuir prioridades ne’ebé hatuur ona iha ninia Programa.
Governu ne’e konstitui husi Primeiru-Ministru, Vise-Primeirus-Ministrus, Vise-Ministrus no Sekretárius Estadu. Ministru balun, bainhira hala’o sira-nia funsaun sei hetan tulun husi Vise-Ministrus no Sekretárius Estadu.
Projetu Dekretu-Lei ida-ne'e sei haruka ba Prezidente República nian ba promulgasaun.
Iha sorumutuk ida-ne'e, Konselhu Ministrus analiza ona mós aprezentasaun preliminar Proposta Lei Orsamentu Jeral do Estado Retifikativu ba tinan 2023.
Hodi hare komunikadu kompletu husi Sorumutuk Konsellu Ministru, klika iha ne'e.
Hodi hare kompozisaun Governu Konstitusional IX nian, klika iha ne'e.
