Primeiru-Ministru jantar konfraternizasaun ho Embaixadór País Amigu Sira iha Jakarta
Primeiru-Ministru, Taur Matan Ruak, jantar hamutuk ho Embaixadór sira hosi País Amigu sira ne’ebé rezidente iha Jakarta, Indonézia, segunda kalan semana ne’e, iha Otél Grand Hyatt Jakarta, ne’ebé mak organiza hosi Ministra Negósius Estranjeirus no Kooperasaun, Adaljiza Magno, iha ámbitu vizita ofisiál Xefe Governu nian ba Indonézia.
Jantar hamutuk ne'e nu’udar jestu amizade Governu Timor-Leste nian ba Embaixadór País amigu sira hodi aproveita troka hanoin informal kona-ba relasaun no kooperasaun Timor-Leste ho País amigu sira.
Iha Jantar refere, hola parte mós hosi Ministru Ensinu Superiór Siénsia no Kultura, Longuinhos dos Santos, Ministru Transportes no Komunikasoins, José Agustinho da Silva, Ministru Komérsiu no Indústria, Lucas do Carmo da Silva no delegasaun sira seluk.
