Vise-Prezidente Banku Mundial iha vizita país nian diskute ho Governu área sira kooperasaun nian ba dezenvolvimentu nasionál
Ministru Prezidénsia Konsellu Ministru, Fidelis Manuel Leite Magalhães, simu vizita husi delegasaun Banku Mundiál nian iha loron 13 Fevereiru 2023, ne'ebé lídera husi Vise-Prezidente Banku Mundiál ba Ázia Lorosa'e no Pasífiku, Manuela Ferro.
Durante enkontru ne'e, Ministru, Vise-Prezidente no ninia delegasaun husi Banku Mundiál koalia kona-ba desafiu sira ne'ebé Timor-Leste enfrenta no oportunidade sira, inklui prioridade sira hodi kria mudansa ne'ebé transformadora no estrutural ba dezenvolvimentu nasionál.
Manuela Ferro reitera disponibilidade Banku Mundiaál nian atu kontinua fó apoiu ba Timor-Leste iha setór sira ne'ebé ki'ik, inklui edukasaun no dezenvolvimentu rekursu humanu no mós apoiu ba prosesu adezaun ba ASEAN.
Sira koalia mós kona-ba akordu foun ne'ebé asina ona kona-ba kriasaun zona ekonómika komún transfronteirisa entre Timor-Leste ho Indonézia, no mós luta kontra malnutrisaun no nanismu (stunting iha inglés), ne'ebé mak prioridade boot ida ba VIII Governu Konstitusionál.
Partisipa mós iha enkontru ne'e Diretora Banku Mundiál ba Timor-Leste no Indonézia, Satu Kahkonen no reprezentante Banku Mundiál iha Timor-Leste, Bernard Harborne no membru sira seluk husi delegasaun.
