MNEC delivers a speech at the First Participation of Timor-Leste in ASEAN Coordinating Council Meetings
Ministra Negósius Estranjeirus no Kooperasaun, Adaljiza Magno, iha loron 4 fulan-fevereiru tinan 2023, halo diskursu durante Timor-Leste nia partisipasaun dahuluk, hanesan observadór iha Sorumutuk Konsellu Koordenasaun ba Asosiasaun Nasaun sira Sudeste Aziátiku nian (ASEAN) ba da-32, ne’ebé hala’o hela iha Jakarta. 
Ministra Adaljiza Magno hato’o katak nu’udar “onra no priviléjiu boot ida atu partisipa, ba dahuluk, iha momentu istóriku sorumutuk Konsellu Koordenasaun ASEAN nian ida-ne'e liuhusi prezidénsia Indonézia nian”, ne'ebé tuir nia nu’udar “pasu krusiál ida iha ita-nia jornada naruk atu tama iha Família boot Komunidade ASEAN nian”.
Governante ne'e aproveita “biban ida-ne'e atu halo pontu situasaun husi esforsu nasionál sira iha tinan hirak ikus ne'e no hafoin konklui tiha misaun tolu apuramentu ba faktu nian sira” no afirma filafali apoiu Timor-Leste nian “ba ASEAN hanesan sentru gravidade nian atu salvaguarda estabilidade no kreximentu iha rejiaun”, no hatutan katak “Timor-Leste no ASEAN iha interese, dezafiu no responsabilidade sira ne’ebé hanesan iha rejiaun ne'e”.
