Governu Timor-Leste

Sekretáriu Estadu ba Formasaun Professionál no Empregu Bendito Freitas, akompaña mós hosi Diretór Nasionál Empregu no Adidu Traballu hala’o vizita, iha fulan Maiu, ba Sidade Ansan, Korea Sul,  hodi vizita ba Galilea Caring Center ne’ebé durante ne’e fó apoiu mós ba trabalhador timór-oan sira hirak ne’ebé hetan problema iha sira nia servisu fatin.

Sekretáriu Estadu Bendito Freitas ho ekipa, halao mós vizita ba Shelter Caring Center – Galilea Migrant Center – nian ne’ebé iha hodi tulun ba trabalhadores bele hela hodi hein servisu foun.

Iha Caring Center – Galileo, Sekretáriu Estadu hala’o enkontru ho Padre Pater Martin Quido Naikofi, SVD no Padre Kristianus Piatu, SVD nebé maka responsabiliza ba Caring Center ne’e. Iha sorumutu Sekretáriu  Estadu hato’o Obrigadu no apresiasaun ba servisu nebé Caring Center ne’e fó no dezeiju atu bele iha nafatin traballu rede ida diak hodi apoiu ba trabalhadór Timor-Leste, tanba iha futuru númeru trabalhadór nian sei aumenta tan.

Sekretáriu Estadu ho ekipa mós hala’o vizita ba shelter ne’ebé hari’i husi Caring Center-Galilea, hodi hetan mós esplikasaun hosi Padre Cristianus Piatu, SVD kona ba prosesu nebé Caring Center ne’e hala’o no mós hato’o katak preparasaun trabalhadór wainhira atu mai servisu iha Korea ne’e importante tebes, liu-liu  informasaun hanesan, attitude servisu, ambiente servisu nebé trabalhadór sira sei hasoru, no informasaun seluk ne’ebé relasiona ho direitu no dever servisu ho kompañia sira.