Primeiru-Ministru iha sub-distritu Aileu Vila
Ba loron tolu sosializasaun Planu Estratéjiku Dezenvolvimentu Nasionál iha distritu Aileu Primeiru-Ministru simu husi ekipa tradisional Administrador distritu, sub-distritu, Xefe suku, estudante husi Eskola Primaria to Sekundaria no mós komunidade, husi sub-distritu Aileu vila hodi akompañia Primeiru-Ministru to iha salaun.
Antes atu tama ba programa sosializasaun Planu Estratéjiku Dezenvolvimentu Nasionál (PDN) Administrador sub-distritu hato’o uluk geografikamente husi sub-distriu Aileu vila katak, sub-distritu Aileiu vila kompostu husi sucos 11 aldeas 63 ho total populasaun 21.395 ho kompozisaun mane 11.395, feto 10.000 no total uma kain 4.001. Aileu vila nia luan no naruk 227 kilometru kuadradu. Populsaun 80% Aileu vila moris ho halo toos ho natar balun iha plantasaun kafé.
Iha fatin hanesan mós Adjuntu Administrador hatoo mós informasaun katak distritu Aileu iha sub-distritu haat (4) mak hanesan sub-distritu Aileu vila, iha suku 11 Remexio iha suku 8, Lequidoe iha suku hitu (7) Laulara iha suku lima (5) total sukus 31 no aldea 135 Distritu Aileu ho nia populasaun iha 44.283.00 no uma kain iha 8.482,00 Distritu Aileu ho nia luan 736.00 km. Komunidade Distrito Aileu maioria moris ho vida agrikultur, tanba refleta ona ba kondisaun geografika distritu Aileu ne’ebé foho mak barak, kondisaun nee afeita tebes ba vida moris komunidade nian no susar atu fó produsaun ne’ebé diak ba komunidade. Moris ho vida seluk maibe ho porsentu kiik mak hanesan negosia kiik, funsionariu, no emprezarial.realidade ne’e difikulta tebes atu identifika komunidade Aileu nia moris, tanba atraves husi agrikultura mos defisil tanba produsaun ituan no produs atu haan deit la bele faan.
Komunidade distritu Aileu konsidera programa konsultasaun Planu Estratéjiku Dezenvolvimentu Nasionál nebe halao husi Primeiru-Ministru sira kolia katak elektricidade, estrada, bee mós no seluk tan sai hanesan nesesidade bazikus ida ba komunidade. Distritu Aileu mós konkorda ho programa PDN no hein relizasaun.
Hatan ba preukupasaun ida ne’e Primeiru-Ministru hato’o katak ida ne’e hanesan preukupasaun povu tomak tanba ne’e mak objetivu husi PEDN katak, estrada, ponte, electrisidade, bee moos, komunikasaun, airportu, portu husi Tutuala ba to Oecusse ne’e hanesan problema ida ne’ebé boot hodi halo iha ita nia rain iha mediu to longo prazu se ita la halo ida nee ita susar. Ida ne’e maka hakarak lori dadaun rai ne’e sai husi mukit ne’ebé 95% moris iha vida agrikultura.
Primeiru-Ministru ne’ebé akompañia husi Ministru Infraestrutura Pedro Lay no Komandante-Geral PNTL Longuinhos Monteiro.
