1ª Konferensia Nasionál kona-ba Edukasaun inkluziva iha Timor-Leste
Ministériu Edukasaun hala’o Primeira konferensia kona-ba Edukasaun enkluziva durante loron rua 11-12 ho nia tema “Realiza Edukasaun ba Ema hotu” iha salaun sentru João Paulo II Comoro Díli.
Objetivu husi konferénsia ne’e mak: Atu haluan partisipante sira nia perspektiva, no kuñesementu kona-ba edukasaun inkluzivu, atu asegura koñesimentu komún ida kona-ba Inkluzaun no atu dezenvolve deklarasaun polítika ida kona-ba edukasaun inkluzivu ida ba Timor-Leste.
Ministru Edukasaun João Câncio iha nia deskursu hatoo katak, importansia husi konferénsia internasional mak atu hatuur fundamentu ba Edukasaun inkluziva iha Timor-Leste tanba konstituisaun iha artigu lima nulu resin sia, hatur katak, labarik, ema no sidadaun hotu-hotu iha Direitu hanesan ba Edukasaun no kultura. Atu implementa artigu cincoenta nove 59 Nune’e konstituisaun Republika Timor-Leste iha lei baze edukasaun ne’ebé Parlamentu aprova iha 2008 atu lei Nº 14/ 2008 hatur fundamentu boot teb-tebes ba edukasaun inkluziva iha ita nia rain ne’ebé lei ne’e hateten katak labarik hotu-hotu ho idade eskolar tinan (6) to tinan tolu nulu resin hitu no mós populasaun hotu-hotu ne’ebé iha vontade atu estuda tenki iha asesu hahu husi edukasaun basikas ba to iha nivel aas liu.
Prezidente mós hatoo nia deskursu katak Edukasaun Inkluziva hanesan prioridade nasional, entaun iha orsamentu gerál mós tenki tau hanesan prioridade. Tanba ita hare iha nasaun ne’ebé dezenvolvidu teb-tebes ona edukasaun se sai hanesan prioridade numeru um. Ezemplu hanesan iha Singapura maski dezenvolvidu maibe asuntu edukasaun se hanesan prioridade husi nivel elemntry to iha nivel tekonolia.
Partisipantes ne’ebé mak partisipa iha konferensia ne’e mak mai husi, Direktor Nasional, Regional. Inspektores husi Distritu Sanulu resin tolu, Xefe Departementu husi Nasional no Distritu, Reprezentate husi profesores, Igreja, Sosiedade Sivil no NGO husi Nasional no Internasional, ho Oradores hanesan Dr João Cancio Freitas Ministériu Edukasaun Timor-Leste, Ms Adalgisa Ximenes, (Komisáriu Nasionál ba Direitu Labarik), Dr Sheldon Shaeffer, Konsultór Edukasaun (uluk hanesan UNESCO nia Asesór Edukasaun ), Mrs Yangxia Lee, Diretór Sentru El, Ministru Edukasaun, Vientiane Capital, Lao PDR, Ms Frances Gentle, Peritu Edukasaun Inkluzivu, Australia no Ms Kristiyanti, Helen Keller Internasional, Indonesia.
