Distribuisaun Fós
Primeiru-Ministru, Kay rala Xanana Gusmão, hala’o konsultasaun ba Planu Estratéjiku Dezenvolvimentu Nasionál (PEDN), iha Sub-Distritu Remixio, Distritu Aileu, hafoin tiha rona konsultasaun husi Sua ExelenCia Primeiru Ministru, Autoridade lokál ne’ebé móris besik ho komunidade iha rurais hanesan Xefe suku sira iha Remexiu, kuarta 12/04/2010 husu ba Primeiru-Ministru, Xanana Gusmão, atu tau armajen ida iha Remexio hodi bele tau fós ho marka MTCI atu bele fa’an ba komunidade sira iha suku walu Sub-Distritu Remexiu, Distritu Aileu.
Hatan ba preokupasaun hirak ne’e, Primeiru-Ministru, Kay Rala Xanana Gusmão, ne’ebé akompañha husi Ministru Infraestrutura, Pedro da Silva Lay, Sekretariu Estadu Obras Públika, Domingos Caeiro no Administradór Distritu no Sub-Distritu, informa katak, Governu rekoñese sala iha sistema distribuisaun fós ho marka MTCI.
Primeiru-Ministru mós hatutan tan katak, ho sistema ida-ne’e mak kria fali hahalok ne’ebé la di’ak husi negosiante sira ba iha povu ki’ik. Maibé ba oin, tuir Xefe Governu, sei kria mekanizmu ida di’ak atu nune’e distribuisaun fós bele la’o tuir povu nia hakarak, ne’ebé agora dadauk iha distritu tolu, hanesan distritu Lautem, Baucau no distritu Viqueque komesa la’o ona ho sistema foun.
