Governu Timor-Leste

Governo Timor-Leste liu Ministériu justisa, assina kontratu arrendamentu nian ho Igreja Katolika, liu husi reprezentante Bispo Dioseze Maliana Pr. Lúcio Norberto de Deus kona-ba rezidensia Bispo Dioseze Maliana nian iha Gabinete Ministra Justisa, loron 6 fulan Maiu tinan 2010.

Ministra Justisa Lúcia Lobato, hateten katak “Husi ministériu hadia ona kontratu ne’e tuir pedidu ne’ebé hato’o hosi dioseze, no tuir lolos kontratu ba arrendamentu ne’e assina ona antes Bispo nia tomada de posse, maibe dokumentus ba kontratu ne’e foin mak simu depois de tomada de posse.”

Asina akordu ba kontratu arrendamentu nian ne’e, halo iha fatin rua hanesan Lahomea ho nia medida 185,00 m2 no ida iha Atulaka Raifuso ho nia medida 827,00 m2, iha área sub Distritu Maliana, distritu Bobonaro. Kontratu arrendamentu nian ne’e ho nia duransaun ba tinan 98 ne’ebé kada tinan Igreza sei selu US$1.

Kona-bá seguransa juridika nian, Ministra hatutan, ne’e la iha problema, tanba ita presija tempu hodi bele halo buat hotu.

Iha fatin hanesan reprezentante Bispo Dioseze Mailana, Pe. Lúcio Norberto de Deus mos hateten, “hosi parte igreja liu-liu dioseze Mailana sente kontente tanba governu bele fasilita hodi bele assina akodru ba kontratu arrendamentu ba Rezidensia Bispo Dioseze Mailana nian.

Partispa iha assina akordu ne’e Ministra Justisa rasik, Diretur Nasional Terras Proriedades no Servisu Kadastral (DNTPSC) nomos reprezentante Bispo Dioseze Maliana nian.