Governu Timor-Leste

Bazeia ba akordu ne’ebe governu Timor Leste asina ona ho governu Korea du Sul, Governu liu husi Sekretáriu Estadu ba Formasaun Profisionál no Empregu (SEFOPE) serbisu hamutuk ho Governu Korea du Sul atu haruka-tan serbisu nain sira, ne’ebé prepara atu ba serbisu iha Korea hamutuk 173. Serbisu nain hamutuk 105 mak serbisu ona iha Korea du Sul. Hanesan pedidu husi kompania empreza sira, ba sira ne’ebe atu tuir-tan hamutuk 173 sei ba servisu iha area peskas, kultura, no servisu bazika hanesan restourante. Ida ne’ e hanesan dalan ida ne’ebe diak no importante ba ema Timor Oan sira. Hateten Sekretáriu estadu ba Formasaun Profisionál no Empregu Bendito Freitas iha kampus Eis UNIMAR Maskarinhas (29/04).

Nia esplika katak formasaun ne’ebé fó iha ne’e la’os formasaun spesiafiku konaba konstruksaun maibé orientasaun ba koñesementu lian Korea hanesan formasaun bazika atu ba serbisu iha sosiadade iha Korea atu nune’e sira bele preparadu hodi fasilita unikasaun ho sira nian patraun sira bele iha intedementu no konaba kultura sira sei ba aprende iha neba. Grupu ne’ebé tuir hela formasaun hein katak 13 Juñu tuir izame final ba lian Korea, no mós sei tuir prosediamentu ne’ebe hanesan atu ba serbisu iha Korea du Sul.

Iha Korea du Sul ita mós iha Embaixada, ne’ebé prezensa ita nian adidu konaba traballu iha neba, hodi fo apoiu atu fó asistensia nafatin ba sira bainhira hasoru difikuldade ruma iha relasaun serbisu ho sira nian patraun, komunikasaun ladun klaru nebe’e bele kria desintendementu.

Ba serbisu nain la’os deit iha loron ikus atu lori osan maibé bele lori mós matenek no esperensia nasaun ne’ebé sai hanesan fundamental forte hodi bele ajuda dezenvolmentu Nasionál.

Bendito Freitas afirma tan katak kompania barak mak prepara ona atu simu serbisu nain sira husi Timor Leste depende deit CV (Curiculu Vitae) rezumu kona ba area interesadu, no kompania bele hili ema rua nulu (20) ou lima nulu (50) hodi simu ema iha área neba.