Japaun hametin Kooperasaun Iha Área Defeza
Governu Timor-Leste liu husi Sekretáriu Estadu Defesa Sr. Júlio Tomas Pinto simu vizita altu nivél ida mai husi Membru Sénior Parlamentaria no Vise-Ministru Defesa Japaun nian, Sr. Kazuya Shimba iha Sekretaria Estadu Defesa loron 6 fulan Maiu tinan 2010 hodi koalia kona-ba kooperasaun iha área Defeza entre Timor-Leste ho Japaun.
Sekretáriu Estadu Defesa Sr. Júlio Tomas Pinto hateten katak “Objetivu husi vizita Sr. Kazuya Shimba nian koalia kona-ba asistensia nebé durante ne’e Governu Japaun fó iha área kapasitasaun rekursu humanus F-FDTL nian, perspektiva semináriu ida kona-ba Timor-Leste nebé sei hala’o iha National Institutue for Defense Studies iha Tokyo no koalia kona-ba oinsa Timor-Leste bele partisipa iha Forum Rejionál ASEAN nian hodi kolia konaba dezastre management.”
Vise-Ministru Defesa Japaun nian, Sr. Kazuya Shimba hateten katak vizita ida ne’e hanesan oportunidade atu hadia diak liu tan koperasaun iha area defesa entre Nasaun rua ne’e.”
Iha oportunidade ne’e mos Sekretáriu Estadu Julio Tomas Pinto fó nia apresiasaun no nia agaradesementu ba Governu Japaun tanba simu timor-oan nain ha’at hodi hala’o estudu iha Akademia Defesa Nasional Japaun nian iha Yokosuka
Tuir planu antes atu fila fali ba Japaun Sr. Kazuya Shimba sei hasoru malu ho Major Jeneral Taur Matan Ruak no Finn Reske-Neilsen, Deputadu Special Representante ba Sekretariu Jeral UNMIT. Aleinde de ne’e Sr. Shiba mos sei visita Distritu Bobonaro.
