Governu Timor-Leste

Iha loron 12 fulan-jullu tinan 2021,  iha serimónia ida-ne’ebé hala’o iha sede asosiasaun xineza CUAT nian, iha Hudi-Laran, iha sidade Dili, hahú ona distribuisaun doze daruak husi vasina Sinovac kontra virus SARS-CoV-2.

Vasina hirak ne’e hanesan parte husi doze rihun atus-ida ne’ebé oferese ona husi Repúblika Populár Xina nian no to’o mai iha Timor-Leste iha loron 5 fulan-juñu liubá.

Grupu prioritáriu Sinovac nian maka foin-sa’e sira hahú husi idade 18 ba leten, profesór sira no komunidade xineza iha Timor-Leste.

Bainhira vasina sira ne’e to’o mai iha Timor-Leste, Embaixadór Xina nian iha Timor-Leste, Xiao Jianguo, asegura katak vasina ne’e “kumpre padraun internasionál seguransa, efikásia no fabrikasaun nian” no “aprova ona husi Organizasaun Mundiál Saúde”. Diplomata ne’e hateten mós katak “to’o fulan maiu nia rohan, distribui ona Sinovac doze millaun 600 resin iha Xina no iha rai-li’ur, iha país sira hanesan Brazíl, Indonézia, Pakistaun, Ungria, Méxiku, Tailándia no Turkia.