Timor-Leste simu tan vasina COVID-19 rihun 65 husi Austrália
Ohin, loron 30 fulan-junho tinan 2021, to’o ona iha Timor-Leste, vasina AstraZeneca rihun 65 ne’ebé mai husi Austrália. Austrália fó tiha ona vasina rihun 135.
Aleinde ne’e Timor-Leste simu ona vasina AstraZenexa 124.800 doses husi mekanismu COVAX no doze vasina Sinovac rihun 100 ne’ebé Xina oferese, ho total hamutuk doze vasina hasoru COVID-19 359.800.
Liu ema na’in rihun iha nasaun tomak simu ona doze dahuluk vasina hasoru COVID-19, ne’ebé reprezenta 26,5% populasaun liu tan tinan18. Iha Díli ema na’in 110.442, 51,7%, simu ona doze dahuluk. Doze daruak fó ona ba ema 25.646 (6.55%) iha nível nasionál no ba ema na’in 13.996 (3,40%) iha capital.
Austrália manifesta nia "orgullu hodi fornese vasina sira ne’ebé seguru AstraZeneca katak fabrika iha Austrália ba Timor-Leste no nasaun seluk tan iha rejiaun, liuliu tamba iha momentu ida-ne’e fornesimentu global vasina nian limitado tebes".
Iha sorumutuk Konsellu Ministrus husi loron 23 fulan-juñu tinan 2021 define ona filafali objetivu sira ba kampaña vacinasaun, ho objetivu hodi alkansa vasina rihun 10 loronloron, iha nível nasionál.
