Governu aprova serka sanitária ida iha Munisipiu sira hanesan Bobonaru no Covalima
Seg. 15 fevereiru 2021, 18:56h
Governu aprova iha Loron 15, Fulan-Fevereiru, Tinan 2021, iha Konsellu Ministrus, Rezolusaun Governu nian, ne’ebé impoin serka sanitária ida iha Munisipiu sira hanesan Bobonaru no Covalima.
Medida ida-ne’e hetan aprovasaun tanba kazu diagnostikadu sira daudaun ne’e ho SARS-Cov-2, mak hanesan kazu sira ne’ebé deteta husi tama ilegál iha país, atu nune’e bele iha kuidadu ba saúde públika populasaun nian no atu impede ba transmisaun komunitária husi SARS - Cov-2 iha territóriu nasionál.
Ho aprovasaun Rezolusaun Governu nian ida-ne’e mak bandu ba dezlokasaun sira entre munisípiu sira-ne’e no munisípiu sira seluk, hahú 00:00 husi loron 16, Fulan-Fevereiru no remata iha tuku 23:59 husi loron 3 fulan-marsu tinan 2021.
