Tutuala – Lospalos, Distrito Lautém
![PM_Tutuala_PED](https://timor-leste.gov.tl/wp-content/uploads/2010/04/PM_Tutuala_PED1-299x225.jpg)
Horseik, iha Tutuala, Primeiro-Ministro Kay Rala Xanana Gusmão kontinua ho consulta povo kona ba Plano Estratégico Dezenvolvimentro Nacional. Iha dunik fatin ne’e, Primeiro-Ministro testemunha mos Ministro Agricultura no Pescas, Mariano Assanami Sabino, fahe tractores ba populasaun agrikultores hodi hasae sira nia kbit produsaun distrital.
Primeiro-Ministro Xanana Gusmão tun rasik ba haré projectos Pacote Referendo ninian no bolu atensaun ba emprezárius lokais atu fo garantia qualidade tamba ‘labele hadomi fali osan, tenki hadomi povu, halo ho qualidade ne’e hasae mos povu nia kbit no mos emprezárius lokais sira nia prestígiu rasik, buat importante teb-tebes”, Primeiro-Ministor harohan.
Konaba projectos nebé iha fokus ba juventude maibe laiha kualidade diak, Primeiro-Ministro Xanana Gusmão ható katak futuru Nasaun ninian depende ba kualidade juventude Timoroan sira nian. Tamba ne’e tenki hasae kualidade projectos nebé halo ba benefísiu juventude nian.
Ida tan maka Primeiro-Ministro fo hanoin katak hasae kbit agrikultores nian hodi hasae produsaun ai-han, hodi sira bele fan no hetan osan haruka sira nia oan ba eskola sai mamtenek, hodi kaer futuru Nasaun ninian. Matenek no kualidade maka tenki prioridade mos, Primeiro-Ministro Xanana Gusmão harohan.
Ba emprezárius lokais, Primeiro-Ministro ható katak tenki fo garantia ba kualidade exekusaun projectos hot-hotu tamba nuné hasae kualidade moris komunidade lokal ninian, hasae mos kapasidade emprezárius lokais ninain, pasu importante ba dezenvolvimentu nasional.
Husi Tutuala, Primeiro-Ministro kontinua servisu bo’ot ida ne’e. Ohin (21.04.10) consulta iha Iliomar, tuir fali Lautém sub-distrito, no hotu iha Luro, Sexta-feira, loron 23-24 fulan Abril.