Konsulta Plano Estratéjiku Dezenvolvimento hahú iha Lospalos
Programa Konsulta Plano Estratéjiku tamba sa maka hahú iha Lospalos? – Pimeiru-Ministru Xanana Gusmão explica: “história reorganiza resistência hahú husi Lospalos ba to Oe-Cusse, iha loron 7 Dezembro 1978. Ami halo viajen liu Loré ba Paicau hodi organiza resistência.” Agora Plano Estratéjiku buka hahú husi Lospalos ba to Oe-Cusse. Planu ida ne’e ho naran “Dalan ba Dame no Prosperidade: Timor-Leste nia Planu Estratéjiku Dezenvolvimento 2011 – 2030”. Primeiru-Ministru Kay Rala Xanana Gusmão fiar katak ho plano ida ne’e, sei iha garantia ba sucesso prosesu governasaun nasional aban-bain rua ninian.
Primeiru-Ministru Xanana Gusmão sei halo servisu konsulta plano estratéjiku nian iha Tutala, Iliomar, Lautém no Luro, hahú ohin (19.04.10) to loron 23 fulan Abril ida ne’e. Hotu tiha sei tuir fali distrito Baucau, hahú iha Baguia, liu husi Laga, Quelicai, Baucau sub-distrito, Venilale no Uatukarbau, husi loron 24 to loron 29 fulan Abril nian.
Iha 2002, Kay Rala Xanana Gusmão, molok eleito Presidente da República, lidera processo bo’ot ida halo consulta nasional hodi estabelese “Ita Nia Vizaun Nasional” ba futuru, hodi publika relatório “Timor-Leste 2020 – Ita nia Nasaun, Ita Nia Futuru”.
Atu haree Lia Badak kona-ba Plano Estratéjiku Dezenvolvimento, klik iha ne’e.
(Versaun original iha português)
