Governu Timor-Leste

Organizasaun Diálogu Internasionál Díli fiar katak preokupasaun no dezafiu sira-ne’ebé partilladu hosi Estadu Frazil sira, ne’ebé sorumutu iha Díli, iha loron 9-10 fulan Abril, tenke sai hanesan prioridade ida iha Ajenda Polítka Mundiál.

Bella Bird, reprezentante Reinu Unidu nian no ko-organizadora eventu ne’e defende iha nia diskursu iha sesaun abertura nian katak “ objetivu sira mak hasai hosi sorumutu ida-ne’e hanesan plataforma konsensu ida atu kria planu asaun ida ba “g7+” hosi sorumutu Díli nian ho “High Level Forum” previstu ba Seul iha fulan Outubru 2011”.

“Deklarasaun Díli nian” bele mos, tuir opiniaun reprezentante Reinu Unidu nian, reprezenta biban ne’ebé úniku ba Estadu sira-ne’ebé hanesan frázil “harona sira-nia lian, hato’o ho sinseridade preokupasaun no prioridade sira ida-idak nian” no hasa’e preokupasaun sira-ne’e ba iha fórum mundiál nian, hamoris “momentum” polítiku foun ida.

Bella Bird enaltese mos entusiazmu ne’ebé hatudu hosi sira-ne’ebé, iha fulan hirak ikus ne’e, servisu maka’as atu lori ba “portu ne’ebé di’ak” prosesu organizasaun ba Diálogu Internasionál Díli nian ida-ne’e.

Organizasaun fiar katak mundu sei haree ba “Planu Traballu” Estadu sira frázil ne’e ho di’ak no fiar katak prosesu sira ba Konstrusan Estadu nian no estabelesimentu Pás iha paíz ida-idak ne’ebé reprezentadu iha Díli sei sai influensiadu ho sorumutu ida-ne’e.

Bele hetan vídeo sira hotu husi eventu ida-ne’e iha seksaun Multimédia/Vídeo.