Resesaun ba Ministru foun Prezidénsia Konsellu Ministrus nian
Iha loron 29 fulan-maiu, hala’o ona serimónia simu Ministru foun Prezidénsia Konsellu Ministrus nian, Fidelis Manuel Leite Magalhães, iha Palásiu Governu, iha Dili.
Durante serimónia ne’e, Diretór-Jerál, Pedro Feno, hala’o entrega formál, ba Ministru foun, relatóriu husi mandatu Ministru Estadu Prezidénsia Konsellu Ministrus nian, Agio Pereira, durante hala’o ninia funsaun iha Governu Konstitusionál VIII.
Relatóriu husi mandatu Ministru Estadu Prezidénsia Konsellu Ministrus nian no Ministru Interinu Planeamentu no Investimentu Estratéjiku no Petróleu no Minerais, durante Governu Konstitusionál VIII, husi loron 22 fulan-juñu tinan 2018 to’o loron 22 fulan-maiu tinan 2020, ko’alia kona-ba objetivu prinsipál sira ne’ebé alkansa ona no ninia impaktu ba progresu país nian.
