Governu Timor-Leste

Ministériu Edukasaun, Juventude no Desportu (MEJD), hahú programa ida ensinu husi dook nian, ho naran “ Eskola ba Uma”.

Programa ne’e sei abranje nivel ensinu nian hotu-hotu no sei fó liuhusi televizaun (husi loron segunda to’o sábadu iha RTTL no TV Edukasaun), liuhusi Facebook MEJD nian (@mejd1823), no liuhusi kanál youtube. MEJD sei fahe mós manuál ba alunu sira iha área remota sira, ne’ebé labele iha asesu ba televizaun no internet.

Bazeia ba Dekretu Governu nian n.3/2020 loron 28 fulan-marsu, ne’ebé aprova ona medida sira atu ezekuta deklarasaun estadu emerjénsia nian, atividade hanorin hotu-hotu iha sala laran sei suspende durante períodu estadu emerjénsia ne’e vigora.

MEJD, liuhusi programa  “Eskola ba Uma” garante kontinuidade husi prosesu ensinu no aprendizajen nian, ba estudante sira hotu, iha nasaun laran tomak.

 Bele mós hetan asesu ba programa Eskola ba Uma iha Portal Governu, klika iha ne'e