Governu aprova medida sira ba exekusaun deklarasaun estadu emerjénsia
Governu aprova ona, iha reuniaun Konsellu Ministrus nian, iha loron 28 fulan-marsu, tinan 2020, Dekretu Governu nian n.º 3/2020, loron 28 fulan-marsu, kona-ba medida sira atu ezekuta deklarasaun estadu emerjénsia nian, ne’ebé fó-sai liuhusi Dekretu Prezidente Repúblika n.29/2020, loron 27 fulan-marsu tinan 2020, hodi hatán ba ameasa husi surtu COVID-19 nian.
Haree ba deklarasaun estadu emerjénsia nian ne’e, Governu, liuhusi Dekretu ne’e, asegura ninia ezekusaun, liuhusi adosaun medida oin-oin ne’ebé presiza atu previne moras, satan pandemia ne’e, salva vida no asegura subsisténsia husi kadeia abastesimentu sasán no servisu esensiál sira ba ita-nia populasaun, maske medida sira-ne’e bele limita direitu no liberdade fundamentál balun.
Estadu emerjénsia sei vigora husi tuku 00:00, loron 28 fulan-marsu, to’o tuku 23:59, loron 26 fulan-abríl tinan 2020 no sei aplika ba territóriu nasionál tomak.
Medida sira ne’ebé hetan ona aprovasaun, sei foti tuir limite konstitusionál sira no tuir orientasaun husi Organizasaun Mundiál Saúde nian no ezemplu husi Estadu sira seluk, no medida hirak-ne’e buka atu hamenus oportunidade atu kazu COVID-19 nian foun ruma mosu tan iha Timor Leste.
1 -Atu lee komunikadu imprensa sorumutuk Konsellu Ministrus nian, klika iha ne’e
2 - Atu lee Dekretu Governu nian kona-ba medida sira atu ezekuta deklarasaun estadu emerjénsia nian, ne’ebé fó-sai liuhusi Dekretu Prezidente Repúblika nian n. 29/2020, loron 27 fulan-marsu, klika iha ne’e ba versaun portugés no klika iha ne’e ba versaun inglés. La kleur tan sei publika versaun tetun
3 - hodi haree medida sira ba ezekusaun deklarasaun estadu emerjénsia, kona ba:
a) Inisiativa Ekonómika Privada, klika iha ne’e
b) estabelesimentu ensino o formasaun profisional, klika iha ne’e
c) sirkulasaun Internasional, klika iha ne’e
d) Izolamentu Obrigatóriu no Voluntáriu, klika iha ne’e
e) Administrasaun Públika, klika iha ne’e
f) prazu validade ba lisensa no autorizasaun sira, klika iha ne’e
4 - hodi haree poster informativu sira kona-ba prevensaun COVID-19, Klika iha ne’e
