Timor-Leste Komemora Loron Mundiál ba Labarik iha Munisípiu Baucau
Iha loron 1 fulan juñu tinan 2019 Timor-Leste komemora loron mundiál ba labarik, durante loron tolu ho atividade oioin inklui mós Semináriu ho tema “investir na família, prevenir o abuso infantil”, iha sentru Konvensoins, Baukau.
Ministra Edukasaun, Juventude no Desportu, Dulce de Jesus Soares hateten, hato'o parabéns espesiál ba labarik sira, profesór sira, inan no aman sira, no na’i-ulun sira ne’ebé luta atu garante direitu labarik sira-nian iha Timor-Leste bele la’o ho di’ak liután”.
“Inan aman sira tenke sai modelu ba oan sira, tanba oan sira nia futuru responsabilidade inan-aman nian”.
Ministra Dulce informa, knar Ministériu Edukasaun Juventude no Desportu nian mak atu garante protesaun ba labarik sira, liu-liu ba dezenvolvimentu labarik sira, partisipasaun labarik sira-nian, tan ne’e iha implementasaun direitu ba labarik tenke haree husi parte integradu hodi bele responde ba direitu labarik nian tuir konvensaun direitu ba labarik.
“Loron mundiál ba labarik importante ba labarik sira atu nune’e labarik sira ho haksolok selebra sira-nia loron ho atividade oin-oin”, tenik Dinorah Gradaneiro.
Partisipa iha serimónia ne’e, estudante sira iha Munisípiu Baucau, Deputada Maria Gorumali Barreto, Prezidente Autoridade Munisípiu Baucau, António Guterres, Komandante Polísia Munisípiu Baucau, parseiru dezenvolvimentu sira, Profesór sira no inan aman sira.
