Governo Lansa programa Nasionál Destribuisaun Aimorok massa ba Dahaat
Vise- Ministru ba Dezenvolvimnetu Estratejiku saúde, Bonifácio dos Reis, lansa “programa Nasionál destribuisaun aimoruk ba massa” iha Timor Leste ba dahaat (4).
Vise- Ministru akompaña husi Embaixadór Coreia do sul iha Timor Leste, Lee Chin-bum, no reprezentante Organizasaun Mundiál saúde ( OMS ) mai Timor Leste, Rajesh Pandav, iha Eskola St. Inácio de Loiola Kasait, Liquiçá.
Objetivu prinsipal husi programa ne’e atu hamenus taxa sintomas microfilária, hodi prevene moras sira hanesan lumbriga no ainputis liu husi antiparasita.
“Tuir rezultadu peskiza Nasionál 2012 husi Ministériu Saúde no Universidade husi Sydney, ne’ebé hetan apoiu husi organisaun Mundiál Saúde, detekta anticorpo iha Timor ba moras linfática hamutuk 17,5 % no ascaridiase hetan 29% “, revela Vise-Ministru.
“Espera katak, persentajen kobertura ba iha munisípiu sira aumenta, embora ami ultrapasa ona persentajen minimu husi 65%, ne’ebé rekomenda husi OMS”, acresenta.
