Governu Konstrui Armazén Ai-moruk ba Munisípiu Ainaro, Baucau no Bobonaro
Vise-Ministru ba Dezenvolvimentu Estratéjiku saúde, Bonifácio Maucoli dos Reis, hala’o enkontru ho Diretor jeral ajénsia dezenvolvimentu nasional (ADN) Samuel Marçal Belo, iha palácio das Cinzas, Kaikoli Díli.
Enkontru ne’e ko’alia kona-ba konstrusaun armazén ai-moruk nian ne’ebé estabelese iha rejiaun tolu mak hanesan Ainaro, Baukau no Bobonaro.
Konstrusaun armazén iha rejiaun Ainaro nian remata ona, maibé husi parte SAMES nia husu ADN atu aumenta tan konstrusaun bareira, instalasaun be’e moos inklui Ar kondisionadu (AC) atu bele konserva nafatin kualidade ba ai-moruk. SAMES husu apoiu ba ADN atu fasilita mós transporte ida hodi tula ai-moruk husi SAMES Díli ba Armajen Ainaro.
Iha biban ne’e Vise-Ministru dehan bainhira konstrusaun ne’e remata SAMES Díli bele lori ona aimoruk ba fatin refere atu bele fasilita atendimentu ba komunidade sira iha munisípiu Covalima, Manufahi no Ainaro.
