Governu Timor-Leste

Vise-ministru saúde ba dezenvolvimentu estratéjiku saúde, Bonífacio Maucoli dos Reis, hala’o abertura ba surumutu “konsulta planu estratéjiku nasionál saúde orál 2012-2025’ iha salaun enkontru otel Timor, Kolmera, Dili, loron 16 fulan-abril 2019.

Iha Diskursu vise-ministru hatete ministériu saúde dezenvolve ona estratejia nasionál saúde orál no planu asaun nasionál ba saúde orál ba tinan 2015-2020. Iha estratejia ne’e defini klaru kona-ba vizaun, misaun, objetivu, indikador ba realizasaun, monitorzasaun, avaliasaun no peskiza.

Maibé ita hotu hatene katak atividade barak relasiona ho saúde orál mak ministériu la- konsegue implementa, nune’e presiza hala’o revizaun komprensivu ba planu estratéjiku ne’e hodi nune’e bele hamosu planu estratéjiku nasionál saúde orál foun ba tinan 2020-2025

Marka prezensa iha sorumutu refere, reprezentante hosi organizasaun mundiál saúde ba Timor-Leste (OMS-TL), espesialista saúde orál, parseiru dezenvolvimentu sira, ajénsia Nasoins unidas, Organizasaun Naun Governamentál nasionál no internasionál.