Membru sira Governu Konstitusionál VIII nian entrega deklarasaun interese nian ba Tribunál Rekursu
Ter. 21 agostu 2018, 12:04h
Deklarasaun interese nian sira husi membru sira Governu Konstitusionál VIII nian entrega ona horiseik, loron 20 fulan-agostu, husi Xefe Gabinete Ministru Estadu no Ministru Prezidénsia Konsellu Ministrus nian, Victor Maia, ba Prezidente Tribunál Rekursu, Deolindo dos Santos.
Entrega deklarasaun interese nian sira ne’e kumpre rekizitu legál ne’ebé prevee iha Lei n. 7/2007, loron 25 fulan-jullu, ne’ebé aprova Estatutu husi Titulár Órgaun Soberania nian sira no define garantia, direitu, obrigasaun, impedimentu no inkompatibilidade kona-ba titulár sira no membru órgaun soberania nian sira.
