Governu aprova pedidu ezonerasaun husi Brigadeiru-Jenerál Filomeno Paixão
Ter. 03 jullu 2018, 09:31h
Governu hala’o sorumutuk ohin, loron-tersa, loron 3 fulan-jullu tinan 2018, iha Palásiu Governu, iha Dili, no aprova ona pedidu ezonerasaun nian husi Brigadeiru-Jenerál Filomeno Paixão de Jesus husi kargu Vise-Xefe Estadu Maiór Forsas Armadas nian.
Proposta ne’ebé Governu aprova ona ne’e, tuir artigu da-86 Konstituisaun Repúblika Demokrátika Timor-Leste nian, sei enkamiña ba Prezidente Repúblika nu’udar órgaun ne’ebé iha kompeténsia atu aseita formalmente pedidu ezonerasaun nian ne’e.
