Governu Timor-Leste

Iha loron 12 fulan-novembru - Loron Nasionál Foin-sa’e sira nian - Primeiru-Ministru, Marí Alkatiri, fó omenajen ba foin-sa’e Timoroan sira, liuhusi mensajen ne’ebé fó sai husi órgaun komunikasaun sosiál nasionál sira:

Loron 12 de Novembru reprezenta marku ida ne’ebé ita nunka haluhan iha perkursu istoriku ita-nia nasaun nian no sakrifisiu boot ne’ebé ita-nia foin-sae Loriku Asuwain, sira halo. Ne’e duni, ba foin-sae sira ne’e mak VII Governu Konstitusionál hakarak fo omenajen no rekonesimentu. Ba foin-sa’e sira ne’e mak Timor-Leste deve to’o ohin loron: paz, unidade no estabilidade nasionais”, Primeiru-Ministru hatete iha ninia mensajen.

Loron 12 fulan-novembru deside nu’udar Loron Nasionál Foin-sa’e sira nian atu fó omenajen ba aten-barani no determinasaun husi foin-sa’e atus ba atus ne’ebé, iha tinan 1991, partisipa iha Misa iha Igreza Motaiel, Dili, no hafoin halo marxa ba semitériu Santa Krús, atu fó omenajen ba sira-nia belun Sebastião Gomes, ne’ebé mate tanba ema oho semana balun liubá. Tuir Komité 12 de Novembru nian, ema rihun rua resin maka partisipa iha manifestasaun ne’e, na’in 74 identifika ona katak mate iha masakre ne’e no na’in-127 mate hafoin masakre ne’e.

Masakre Santa Krús hanesan pontu virajen nian ida luta Timor-Leste nian ba ukun-rasik an