Governu Timor-Leste

Ministru Estadu no Ministru da Saúde Governu Konstitusionál VII nian, Rui Maria de Araújo, ofisialmente fó-sai ona lema foun ba Ministériu Saúde, “Nu’udar ekipa ‘ami iha ne’e atu serbí’ ita-boot”, durante serimónia entrega serbisu ne’ebé hala’o iha loron 20 fulan-setembru tinan 2017, iha Palácio das Cinzas, iha Dili.

Rui Maria de Araújo hateten: “Hotu-hotu tenke iha vizaun ida katak, ha’u no mós imi iha ne’e atu serbí ba ita-nia povu no ita-nia nasaun atu hadi’a kualidade servisu saúde nian iha Timor-Leste hodi fó satisfasaun ba públiku.”

Ministru ne’e haktuir tan katak importante atu hadi’a etratéjia komunikasaun nian, hodi apela ba profisionál saúde nian hot-hotu, liu-liu husi parte saúde nian, atu, bainhira halo atendimentu ba públiku tau hela de’it iha ulun lema ida ne’e, ‘Ha’u iha ne’e atu serbí’.

Lema foun ne’e sei disemina ba profisionál saúde nian hotu-hotu, liuhusi kampaña nasionál setór saúde nian, inkluo taka-sai iha instlasaun saúde nian hotu-hotu atu sai nu’udar matadalan étika nian ba profissionál saúde nian sira.